السلام عليكم اخواتي العزيزات
اليوم درتلكم واحد الشهيوة غزالة ولديدة وساهلة الدجاج المشوي مممممممممم
كنبيتو الدجاجةفالحامض اوالخل ثم نشرملها بخليط الكامون والتحميرة والخرقوم والزعفران والملح وشويا سمينا بلدية الا كانت وندهن الدجاجة مزيان وفي الداخل ديالها نديرو فيها الربيع مربط ودائرة من الحامض ورقة سيدنا موسى
نخليوها ترقد مزيان
نسخنو الفران ونحطو الدجاجة على شبكة وندخلوها للفان ونبقاو نقلبو فيها مرة مرة على جميع الجوانب وهي كتحمر وتطيب وتنزل الماءو ليدام حتى كتولي محمرة مجمرة وتقدم مصحوبة مع الارز والفريت