RaGhDa-89
مشرفة
عدد الرسائل : 17
العمر : 35
محل السكن : maroc
تاريخ التسجيل : 09/03/2008
 | موضوع: عمركوم جربتو طيبو الدجاج بطريقة الحوت؟  الإثنين 10 مارس 2008 - 3:42 | |
| بسم الله الرحمن الرحيم
السلام عليكم ورحمة الله وبركاته
عمركوم جربتو طيبو الدجاج بطريقة الحوت؟
مممممممممم غزال كيجي.
اللي مجرباه اكيييد غتوافقني الراي
و اللي ما مجرباه , تجربو و ترد علينا الخبار
اليكم طريقتي
المقادير :
***دجاج حسب عدد الاشخاص
------يمكن ليكم تقطعو دجاجة , كما يمكن ليكم تستعملو لفخاض وحدهم او الجناح .....-------
*** بطاطس مقطعة دوائر
*** بصل مقطع دوائر
*** طماطم مقطع دوائر
*** حامض مصير
*** لشرمولة :
قزبر, معدنوس, مطيشة الحك, ملح, ابزار, كمون, تحميرة, ثوم, عصير الحامض, زيت زيتون, زيت,اركان
الطريقة :
نشرملو الدجاج و نخليوه يشربها على خاطر خاطرو
نستفو دوائر البصل في المول اللي غيدخل للفرن ,
فوقهم دوائر البطاطس , ونشرملوهم شوية
نستفو طروفا الدجاج
و فوقهم دوائر الطماطم و نزينو بالحامض مصير
نكبو فوق الطبق شرمولة اللي ضفنا لها شوية مطيشة الحك باش تكون لصوص
----يمكن لكوم تعوضو مطيشة الحك ب مطيشة محكوكة ----
و زيدو شوية ملح (زيد الماء زيد الدقيق هههههه )
غطيو المول بورق الالمنيوم ثم للفرن اللي فات سخناه مزيان
منين يطيب الدجاج عريوه وخليوه يتحمر شوية بلا مايتحرق
بالصحة و الراحة
في انتظار ارائكم ,
مع تحياتي
 | |
|
douimi
الادارة
عدد الرسائل : 54
العمر : 46
العمر : 30
محل السكن : maroc
المزاج : متوتر
تاريخ التسجيل : 23/02/2008
| | موضوع: رد: عمركوم جربتو طيبو الدجاج بطريقة الحوت؟ الإثنين 10 مارس 2008 - 4:24 | |
| اممممممممممممممم باينة لديدة غيمن الصورة شكرا  | |
|
